حیدرآباد(بیورو رپورٹ )آٹا چکی اونرز ایسوسی ایشن کوٹری کے سالانہ الیکشن حاجی انور خان بلا مقابلہ صدر حاجی سلمان سموں جنرل سیکریٹری اور خان شھباز خازن کے عہدہ پر کامیاب قرار پائے۔ دیگر عہدیداران میں نائب صدر اول غلام قادر بھٹہ،حاجی محمد اجمل ، نائب صدر دوم اسامہ فاروق غوری،جوائنٹ سیکریٹری خان شھباز خازن اور پریم داس اطلاعات سیکریٹری کے عہدہ پر بلا مقابلہ کامیاب قرار دیے گئے۔اراکین مجلس عاملہ کے لیے مختار احمد،عبدالغنی۔محمد خان چانڈیو۔ سنیل۔محمد ظفر خان۔شہباز سولنگی اور عروضی خان کامیاب ہوئے۔ پاپولرآٹا چکی پر منعقدہ اجلاس میں آٹا چکی مالکان نے بڑی تعداد میں شرکت کی ۔ اجلاس سے حاجی سلمان سموں۔ حاجی محمد اجمل ۔پریم داس عبدالغنی نے بھی خطاب کیا۔اور حاجی انور خان کو ایسوسی ایشن کا بلا مقابلہ صدر منتخب ہونے پر مبارکباد دی۔ اور اپنے بھرپور تعاون کا یقین دلایا۔ اس موقع پر آٹا چکی اونرز سوشل ویلفیر ایسوسی ایشن حیدرآباد کے صدر حاجی محمد میمن اور جنرل سیکریٹری حاجی نجم الدین چوہان نے خصوصی طور پر اجلاس میں شرکت کی۔ اور کوٹری آٹا چکی اونرز ایسوسی ایشن کے نومنتخب صدر حاجی محمد انور خان سمیت دیگر عہدیداران کو مبارکباد پیش کی۔