لاہور(کلچرل رپورٹر) حکومت پنجاب کی ہدایت پر لاہور آرٹس کونسل الحمراءمیں فیسٹیول لہور لہور اے میں تھیٹر ڈرامہ ”ہور دا ہور“ پیش کیا گیا۔سلامت پروڈکشن کی طرف سے پردہ ڈرامہ میں فنکاروں نے کمال پرفارمنس کا فن دیکھایا ہے،ڈرامہ سعادت حسن منٹو کے معاشرتی مشاہد ہ سے ماخوذ ہے۔ڈرامہ کی کہا نی، کردار،مکالمے،سیٹ،شائقین کے خصوصی دلچسپی کا باعث تھا۔ایگزیکٹوڈائریکٹر الحمراء طارق محمود چوہدری نے کہا کہ الحمراءکی یہ کاوش معیاری تھیٹر کی ترویج وترقی میں معاون ثابت ہوگی۔واضح رہے الحمراءمیں فیسٹیول لہور لہور اے کے بینر تلے الحمراءآرٹ گیلری میں ”پنجاب آرٹ ایگزی بیشن“ جاری ہے جس میں نامور آرٹسٹوں کے 80 فن پارے آویزا ں کئے گئے‘ 12نومبر تک جاری رہے گی۔