لاہور(سپورٹس رپورٹر)”لہور لہور اے“ فیسٹیول کے تحت سپورٹس بورڈ پنجاب کے زیر اہتمام انٹرڈویژن ہاکی چیمپئن شپ بوائز میں لاہور ڈویژن اور گرلز میں بہاولپور ڈویژن نے جیت لی ہے۔ مہمان خصوصی ڈائریکٹرجنرل سپورٹس پنجاب ڈاکٹر آصف طفیل تھے جبکہ پاکستان ہاکی فیڈریشن کے سیکرٹری اولمپئن رانا مجاہد، اولمپئن شہباز سینئر، اولمپئن خواجہ جنیداور اولمپئن آصف باجوہ نے کھلاڑیوں میں انعامات تقسیم کئے۔ اولمپئنز نے ایک موقع پر سپورٹس بورڈ پنجاب کی جانب سے انڈر 16ٹیلنٹ ہنٹ پروگرام کو سراہا ہے کہ ہمیں سب سے زیادہ سے خوشی انڈر 16ٹیلنٹ ہنٹ جیتنے پر ہوتی تھی، اختتامی تقریب کے موقع پر یاسمین اختر، رانا ندیم انجم، رو¿ف باجوہ، عامر حمید، طارق خانزادہ، چاند پروین، راحت خان اور ہاکی سے وابستہ شخصیات کی بڑی تعداد موجود تھی۔