لاہور(سپورٹس رپورٹر) لاہور ریجنل کرکٹ ایسوسی ایشن نے وقارالمنیر (چیئرمین ایل آر سی اے ٹورنامنٹ کمیٹی) اور نصیر شہزاد (چیئرمین ٹورنامنٹ کمیٹی نارتھ زون) کو کلب کرکٹ میں  خدمات کے اعتراف میں پرائڈ آف پرفارمنس ایوارڈ سے نوازا۔ایوارڈ تقریب ایل آر سی اے ہیڈکوارٹر میں منعقد ہوئی۔ خواجہ ندیم نے کہا کہ وقارالمنیر اور نصیر شہزاد ہماری کلب کرکٹ کمیونٹی کے ستون ہیں۔ ان کی کلب سطح پر کرکٹ کی ترقی اور فروغ کیلئے انتھک محنت نے آنے والی نسلوں کیلئے اہم اثرات مرتب کیے ہیں۔  وقارالمنیر اور نصیر شہزاد نے کہا کہ  خوشی ہے کہ ہمارے پاس ایسے لیڈرز ہیں جو کھیل کو آگے بڑھا رہے ہیں۔