ننکانہ صاحب(نامہ نگار )ڈپٹی کمشنر ننکانہ صاحب تسلیم اختر راؤ نے ڈی پی او سید ندیم عباس کے ہمراہ گوردوارہ جنم استھان کا دورہ کیا۔ ایڈیشنل ڈپٹی کمشنر ریونیو شہرینہ غلام مرتضی جونیجو ، ایڈیشنل ڈپٹی کمشنر جنرل رائے ذوالفقار علی ، ڈسٹرکٹ ایمرجنسی آفیسر ریسکیو 1122 اکرم پنوار سمیت دیگر افسر بھی ہمراہ تھے۔ ڈپٹی کمشنر اور ڈی پی او نے گوردوارہ جنم استھان کے انٹری اور ایگزیٹ پوائنٹس کا جائزہ لیا اور گوردوارہ جات کے اطراف میں تیزی سے جاری تزئین و آرائش کے کام کا جائزہ لیا ، ڈی سی اور ڈی پی او نے مرکزی جلوس کے روٹس کا دورہ کرکے انتظامات کا جائزہ بھی لیا ۔ اس موقع پر ڈپٹی کمشنر ننکانہ محمد تسلیم اختر راو نے گفتگو کرتے ہوئے کہا کہ تمام گوردوارہ جات اور جلوس کے روٹس پر سی سی ٹی وی کیمروں کی تنصیب کا عمل جاری ہے ۔ اداروں کی کارکردگی جانچنے کے لیے موک ایکسرسائز کا انعقاد بھی کیا جائیگا۔