خانقاہ ڈوگراں(نامہ نگار+نمائندہ خصوصی) آستانہ عالیہ گلشن صابری دارالاحسان ویلفیئر فاؤنڈیشن کے زیر انتظام آل پنجاب مقابلہ حسن قرات منعقد ہوا جس میں پنجاب بھر سے قاری حضرات نے شرکت کی۔قاری حضرات نے خوبصورت آواز میں قران پاک کی تلاوت کر کے آنیوالوں کے دلوں کو منور کیا۔ مقابلہ کی صدارت پیر سید صفدر حسین شاہ نے کی مقابلہ میں پوزیشن حاصل کرنیوالوں میں انعامات تقسیم کیے اول پوزیشن محمد لقمان‘ دوسری پوزیشن فیصل امجد‘ تیسری پوزیشن محمد شفیق نے حاصل کی۔عالم دین صاحبزادہ نور المجتبیٰ چشتی‘ صاحبزادہ ضیاء المصطفیٰ رضوی نے خصوصی شرکت کی۔