گوجرانوالہ: کرنٹ لگنے کے  باعث مزدور جاں بحق دوسرا زخمی

گوجرانوالہ(نمائندہ خصوصی) شوکت آباد سوئی گیس روڈ پر واقع زیر تعمیر مکان میں مزدور حمزہ اور محمود حسب معمول کام کر رہے تھے ۔دونوں مزدور گلی سے سریا لیکر چھت پر جانے لگے تو اس دوران سریا بجلی کی تاروں کیساتھ ٹکرا گیا جس کے نتیجے میں کرنٹ لگنے سے محنت کش حمزہ موقع پر ہی جاں بحق جبکہ محمود کرنٹ کے جھٹکے سے زمین پر گر کر شدید زخمی ہو گیا۔