لاہور‘فیصل آباد (نامہ نگار‘نمائندہ خصوصی)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعددشہریوں سے لاکھوں روپے ‘زیورات‘ موبائل فون، موٹر سائیکلیں، گاڑیاں اور دیگر سامان لوٹ لیا۔ڈاکوؤں نے گڑھی شاہو میں سرفراز کے گھر گھس کراہلخانہ کو گن پوائنٹ پر یرغمال بنا کر 5 لاکھ روپے ‘ زیورات، موبائل فون دیگر سامان، شفیق آباد میں عبدالرحمٰن کی فیملی سے 3 لاکھ 90 ہزار ‘زیورات اور موبائل فون،نشر کالونی میں صغیر سے ایک لاکھ 20 ہزار ‘موبائل فون،کوٹ لکھپت میں حفیظ سے 60ہزار‘ موبائل فون‘ملت پارک میں ڈاکو فیروز سے31ہزار 5سو روپے‘ کاہنہ میں شہزاد سے35ہزار‘ موبائل فون، سندر میں شاہد اقبال سے26ہزار‘ موبائل فون سبزہ زار میں سلمان سے 12ہز ار‘ موبائل فون،اچھرہ میں قاسم سے18 ہزار‘ موبائل فون لوٹ لیا۔چوروں نے مناواںمیں احمد کے گھر سے 4 لاکھ ‘زیورات دیگر سامان چوری کرلیا۔ چوروں نے شاہدرہ،شالیمار اور لیاقت آباد سے 3گاڑیاں، مانگا منڈی میں سے رکشہ جبکہ راوی روڈ‘مصطفی ٹاؤن ،اسلام پورہ، مزنگ، شاہدرہ ٹاؤن ، شفیق آباد ،مغلپورہ، مناواں اور شیراکوٹ کے علاقوں میں سے 9موٹر سائیکلیں چوری کرلی ہیں۔فیصل آباد میں ڈاکوئوں نے مزاحمت پر دو افراد کو قتل اور دو افراد کو زخمی کر دیا‘ ڈاکو خونی وارداتوں کے بعد آرام سے فرار ہو گئے ۔ تھانہ سرگودھا روڈ ملت روڈ پر واقع تکہ شاپ پر آنیوالے ڈاکوئوں نے مزاحمت پر فائرنگ کر کے دکان مالک رشیداور اصغر کو زخمی کر دیا ‘ ہسپتال منتقل کرنے پر عثمان اور رشید نے دم توڑ دیا‘ تھانہ فیکٹری ایریا لنڈا بازار میں موٹر سائیکل سوار دو ڈاکوئوں نے دوران واردات مزاحمت کرنے پر فائرنگ کر کے مبشر کو لہو لہان کر دیا۔