لاہور(سپورٹس رپورٹر) امپیریل کلب کے 40 سال مکمل ہونے پر وائٹ اور گرین ٹیموں کے درمیان نمائشی کرکٹ میچ کھیلا گیا جس میں امپیریل گرین کی ٹیم نے سات وکٹوں سے کامیابی حاصل کی۔ امپیریل وائٹ کی ٹیم نے 180 رنز بنائے۔ امپیریل گرین کی ٹیم نے 181 رنز کا ہدف تین وکٹوں کے نقصان پر پورا کر لیا۔
 ذولکفیل نے 75 اور ثقلین نے 40 نمایاں رنز بنائے۔ اس تقریب کے مہمان خصوصی ڈپٹی سپیکر پنجاب اسمبلی رانا مشہود، سیکرٹری سپورٹس پنجاب ہارون احمد خان، نجف روکڑی، شہروز روکڑی، فیصل بلال، ریاض احمد اور بلال چیمہ شامل تھے۔ اس موقع پر مہمان خصوصی ڈپٹی سپیکر پنجاب اسمبلی رانا مشہود کا کہنا تھا کہ میں کلب کرکٹ کی مرموشن میں امپیریل کلب کے کردار کو خوش آمدید کہتا ہوں جنہوں نے کلب کرکٹ کو ترقی دینے میں اہم کردار ادا کیا ہے۔ پنجاب حکومت بھی کھیلوں کی ترقی کے لئے فیسٹیول کا انعقاد کر رہی ہے تاکہ نوجوان کھلاڑیوں کو زیادہ سے زیادہ کھیل کے مواقعے فراہم کئے جا سکیں۔