لاہور (اے پی پی) پاکستان رگبی یونین کے زیراہتمام پہلی 15 سائیڈ سپر رگبی لیگ کے پہلے مرحلے میں انٹر یونیورسٹی رگبی ٹورنامنٹ کا آغاز لاہور یونیورسٹی آف مینجمنٹ اینڈ سائنسز (لمز) میں ہوا۔ افتتاحی  تقریب کے مہمان خصوصی پاکستان رگبی یونین کے صدر فوزی خواجہ تھے۔ پہلے میچ میں میں یونیورسٹی آف لاہور نے لمز یونیورسٹی کو 32-07 سے ہرایا۔ پہلے ہاف سے ہی یونیورسٹی آف لاہور کی ٹیم نے بہترین کھیل پیش کیا۔ مجدد نے دو ٹرائی سکور کیں۔ دوسرے ہاف میں سکور کو مزید بہتر کرکے یونیورسٹی آف لاہور نے میچ جیتا۔ دوسرے میچ میں یونیورسٹی آف مینجمنٹ کی ٹیم نے گیریژن ڈگری کالج کو 39-10 سے شکست دی۔