کولمبو (آئی این پی) پاکستان کرکٹ بورڈ کے چیئرمین ذکاءاشرف نے کہا ہے کہ پاکستان بھارت میچ ورلڈ ٹی ٹونٹی کا سب سے بڑا میچ ہے، شائقین کرکٹ کو اچھی کرکٹ دیکھنے کو ملے گی۔ ہفتہ کو یہاں میڈیا سے گفتگو کرتے ہوئے انہوں نے کہا کہ نیوزی لینڈ کے خلاف فتح کے بعد جب شائقین کو سپرایٹ مرحلے میں پاک بھارت میچ کا علم ہوا تو تمام ٹکٹس اےک گھنٹے میں فروخت ہو گئے جس سے اس میچ کی اہمیت کا اندازہ ہوتا ہے۔ انہوں نے کہا کہ میرے سمیت سب کو اس میچ کا شدت سے انتظار ہے۔