قائد ملت لیاقت علی خان کا 117واں یوم ولادت آج منایا جائیگا
کراچی (آن لائن) شہید ملت نوابزادہ لیاقت علی خان کا 117 واں یوم ولادت (آج) پیر کو عقیدت و احترام سے منایا جائے گا۔ کراچی میں بابائے قوم کے پہلو میں سپرد خاک شہید ملت کے مزار پر (آج) سیاسی سماجی اور عوامی شخصیات حاضری دیکر ان کی خدمات کو خراج عقیدت پیش کی جائے گی ۔ مزار پر قرآن خوانی ہوگی اور ان کی مغفرت کےلئے دعائیں ہونگی ۔ شہید ملت کی یوم پیدائش پر ملک کے مختلف شہروں میں مختلف سیاسی‘ دینی‘ مذہبی‘ عوامی‘ سماجی تنظیموں کی جانب سے خصوصی تقریبات‘ کانفرنسز‘ مذاکروں‘ مباحثوں‘ سیمینارز وغیرہ کا اہتمام کیا جائے گا۔
