لاہور(سپورٹس رپورٹر) آل پنجاب باٹا فٹبال ٹورنامنٹ میں مزید دو میچوں کا فیصلہ ہو گیا۔ باٹا فٹبال کلب اور ریڈرز کلب کی ٹیموں نے سیمی فائنل کے لیے کوالیفائی کر لیا۔ پہلے میچ میں ریڈرز کلب نے یونائٹیڈ فٹبال کلب کو ایک کے مقابلے چار گول سے مات دی۔ فاتح ٹیم کی جانب سے ندا الحق نے دو جبکہ ایمل اور علی نے ایک ایک گول کیا۔ دوسرے میچ میں باٹا فٹبال کلب نے افشاں فٹبال کلب کو سنسنی خیز مقابلے کے بعد پنلٹی ککس پر شکست دی۔ دونوں ٹیموں کے درمیان مقررہ وقت تک میچ ایک ایک گول سے برابر رہا تھا۔ مہمان خصوصی شاہد محمود جٹ سے دونوں ٹیموں کا قبل تعارف کرایا گیا۔