شیخوپورہ(نامہ نگار خصوصی)پیپلزپارٹی خواتین ونگ کی مرکزی صدر اور امور پنجاب کی نگران بیگم فریال تالپور نے کہا ہے کہ بلدیاتی سیاست کی پیداوار شریف برادران آج بلدیاتی انتخابات سے راہ فرار اختیار کرکے اپنی اخلاقی شکست کو تو تسلیم کرلیا ہے اور انشاءاللہ انتخابی میدان میں بھی ان کو شکست فاش دینگے۔ صدر آصف علی زرداری نے پنجاب میں پیپلزپارٹی کی کامیابی کیلئے جو ہمیں ٹاسک دیا ہے انشاءاللہ وہ ضرور پورا کیا جائیگا اب ہم پنجاب میں اپنے کارکنوں کیساتھ کوئی زیادتی ناانصافی برداشت نہیں کرینگے ان خیالا ت کااظہار انہوںنے پاکستان پیپلزپارٹی کے ضلعی صدر چودھری الطاف حسین ورک کی سربراہی میں ملنے والے ضلع شیخوپورہ کے پارٹی رہنماﺅں چودھری لطیف احسن ،سابق ضلع نائب ناظم میاں لیاقت علی ،پارٹی ٹکٹ ہولڈر میاں محمد مقصودسے گفتگو کرتے ہوئے کیا۔ صدر آصف علی زرداری پنجاب میں جیالا وزیراعلیٰ دیکھنے کے خواہاں ہیں اور ہم ان کے اس خواب کو شرمندہ تعبیر کرکے دیکھائیںگے اس موقع پر پارٹی رہنماﺅں نے بیگم فریال تالپور نے ضلع شیخوپورہ کی تنظیمی ،انتظامی اور سیاسی صورتحال سے آگاہ کیا اور ان کو شیخوپورہ آنے کی دعوت دی جو انہوںنے قبول کرلی۔