لاڑکانہ (اے پی اے) لاڑکانہ کے شیخ زاید ہسپتال میں آکسیجن نہ ہونے کی وجہ سے پھر مزید چار بچے دم توڑ گئے۔ چار روز میں ہلاکتیں اٹھارہ ہو گئی ہیں۔ بچوں کی ہلاکتیں قبل از وقت پیدائش کے ساتھ ڈاکٹروں اور پیرامیڈیکل سٹاف کی غفلت کے باعث ہوئیں۔ گورنر سندھ کی جانب سے نوٹس لینے کے باوجود محکمہ صحت تاحال حرکت میں نہیں آ سکا۔ ڈی سی او کی سربراہی میں قائم تحقیقاتی کمیٹی نے بھی ہسپتال کا دورہ کیا اور نہ ہی انتظامیہ کے خلاف کسی قسم کی کارروائی کی جاسکی۔