اسلام آباد (وقت نیوز) مسلم لیگ ن کے رہنما شاہد خاقان عباسی نے کہا تحریک انصاف کے غبارے سے ہوا نکلنا شروع ہو گئی ہے ہم کل بھی مقابلہ کر رہے تھے اور آج بھی کر رہے ہیں۔ ان خیالات کا اظہار انہوں نے وقت نیوز کے پروگرام ٹو نائٹ ود فہد میں کیا۔ پروگرام میں تحریک انصاف کی رہنما فوزیہ قصوری اور تجزیہ کار فرخ سلیم نے بھی شرکت کی۔ شاہد خاقان عباسی کا کہنا تھا کہ ہم مانتے ہیں کہ ن لیگ نے تمام مسائل حل نہیں کئے لیکن پنجاب حکومت باقی تمام حکومتوں سے بہتر ہے۔ تحریک انصاف کی رہنما فوزیہ قصوری نے کہا جو لوگ تحریک انصاف سے جا رہے ہیں وہ روایتی سیاست چاہتے تھے اور تحریک انصاف نظریاتی جماعت تھی لیکن جب سے اس جماعت میں غیر نظریاتی لوگ آ گئے اس جماعت کا نظریہ بدل گیا ہے اس کا جواب دیتے ہوئے فوزیہ قصوری نے کہا بے نظیر انکم سپورٹ پروگرام اور لیپ ٹاپ سکیم پر عوام کا پیسہ استعمال ہو رہا ہے۔ فرخ سلیم نے کہا سب چیزیں پیپلز پارٹی پر ڈالنا غلط ہے اگر اپوزیشن چاہتی تو بہت سے مسائل حل ہو سکتے تھے۔