لاہور (نوائے وقت رپورٹ + اے پی پی) قومی ٹیم آسٹریلیا کو شکست دینے کے بعد ٹی ٹونٹی رینکنگ میں قومی کرکٹ ٹیم تیسرے نمبر پر آ گئی۔ تازہ رینکنگ کے مطابق سری لنکا 129 پوائنٹس کے ساتھ پہلے، بھارت 120 کے ساتھ دوسرے، پاکستان 118 کے ساتھ تیسرے، انگلینڈ 118 کے ساتھ چوتھے، جنوبی افریقہ 117 کے ساتھ پانچویں، آسٹریلیا 111 کے ساتھ چھٹے، ویسٹ انڈیز 111 کے ساتھ ساتویں، نیوزی لیڈ 97 کے ساتھ آٹھویں، بنگلہ دیش 85 کے ساتھ نویں، آئرلینڈ 82 کے ساتھ دسویں جبکہ زمبابوے کی ٹیم 44 پوائنٹس کے ساتھ گیارہویں نمبر پر ہے۔ مزید برآں قومی کرکٹ ٹیم نے مسلسل چوتھی بار آئی سی سی ٹی ٹونٹی ورلڈ کپ کے سیمی فائنل میں پہنچنے کا منفرد اعزاز حاصل کر لیا۔ پاکستان یہ اعزاز حاصل کرنے والا واحد ملک بن گیا۔