لاہور+شیخوپورہ (سپورٹس رپورٹر+نامہ نگار) پنجاب یوتھ فیسٹیول کا ڈسٹرکٹ لیول مرحلہ زوروشور سے جاری ہے جس میں تیسرے دن کھیلوں کے30 مقابلوں کا انعقاد کیا گیا۔ لاہور میں اقبال پارک میں ہونے والے بیڈمنٹن مقابلوں کے سیمی فائنل مقابلوں میں راوی ٹا¶ن نے نشتر ٹا¶ن ، اقبال ٹا¶ن نے شالیمار ٹا¶ن کو ہرا کر فائنل کے لئے کوالیفائی کیا۔شیخوپورہ میںبوائز اتھلٹیکس 100 میٹر ریس لانگ جمپ ،شاٹ پٹ میں گورنمنٹ بوائز پوسٹ گریجویٹ کالج شیخوپورہ کے محمد نواز ، اور سالک نصیر اول رہے 400 میٹر ، 800 میٹر میں گورنمنٹ کالج آف کامرس کے میران حسن ،عثمان اصغر ونر رہے ۔نصف میں گورنمنٹ کالج آف کامرس کے نعیم احمد ونر، 2000 اور 1500 میٹر ریس میں پنجاب کالج کے دانش اور قمر الزمان ونر رہے۔