کولمبو (این این آئی) پاکستانی ٹیم کے کپتان محمد حفیظ نے کہا ہے کہ قوم دعا کرے سیمی فائنل میں مایوس نہیں کرینگے¾ سری لنکا کے خلاف پوری قوت کے ساتھ میدان میں اترینگے¾ رضا حسن اور ناصر جمشید بہترین ٹیلنٹ اور پاکستانی کرکٹ کا مستقبل ہیں¾ ہر کھلاڑی میچ ونر ہے¾ ضرورت محسوس ہونے پر ٹیم میں شامل کر لیا جاتا ہے۔ ٹیم نے ثابت کردیا کہ وہ ورلڈ ٹی ٹونٹی کی بہترین ٹیم ہے جس طرح پاکستانی ٹیم نے آسٹریلیا کیخلاف کامیابی حاصل کی وہ خوش آئند ہے عبدالرزاق کو پلیئنگ الیون میں شامل کرنے کا فیصلہ درست ثابت ہوا۔ رضا حسن اور ناصر جمشید بہترین ٹیلنٹ اور پاکستانی کرکٹ کا مستقبل ہیں۔ وہ ہمیشہ سے ناصر جمشید اور رضا حسن کی صلاحیتوں کے معترف رہے ہیں۔انہوں نے کہا کہ ناصرجمشید اس وقت تکنیکی طور پر سب سے بہترین اوپنر ہیں جبکہ رضا حسن نے ڈومیسٹک ٹی ٹونٹی میں عمدہ بولنگ کی ہے اسی وجہ سے انہیں ان پر بھروسہ تھا کہ وہ اعتماد پر پورا اتریں گے۔عبدالرزاق کی ٹیم میں شمولیت کے بارے میں حفیظ نے کہاکہ اس ٹیم میں ہر کھلاڑی میچ ونر ہے اور صورتحال کے مطابق جب ضرورت محسوس ہوئی تو انہیں ٹیم میں شامل کیا گیا۔