میٹرک کے پوزیشن ہولڈر طلبا کو مری میں گارڈ آف آنردیاجائیگا
لاہور(خصوصی رپورٹر) وزیراعلیٰ پنجاب محمد شہباز شریف کی ہدایت پر ملک بھر سے میٹرک کے امتحانات میں نمایاں پوزیشن حاصل کرنے والے طلبا و طالبات کو مری اور دیگر تفریحی مقامات کی سیر کرانے کے علاوہ انہیں گارڈ آف آنر بھی دیا جائیگا۔پوزیشن ہولڈرز طلبا و طالبات آج مری پہنچیں گے اور 7اکتوبر تک قیام کریںگے۔ قیام کے دوران بچو ں کو پٹریاٹہ ،گورنمنٹ ہاﺅس مری،پی سی بھوربن کی سیر کرائی جائیگی۔پی سی بھوربن میں طلبا و طالبات کوبرطانیہ،جرمنی اور ترکی کی معروف درسگاہوں کے متعلق تفصیلی بریفنگ دی جائیگی۔
