کولمبو (آئی این پی) سابق بھارتی کپتان سنیل گواسکر نے پاکستان پریمیئر لیگ کیلئے پی سی بی سے تعاون کے حوالے سے اپنے سے منسوب بیان کی تردید کردی، سنیل گواسکر نے کولمبو میں میڈیا سے گفتگو کرتے ہوئے سنیل گواسکر نے کہا کہ ان کی پی سی بی کے چیئرمین ذکاءاشرف سے کوئی باضابطہ ملاقات نہیں ہوئی بلکہ گزرتے ہوئے 2 منٹ تک ایک دوسرے کی خیریت معلوم کی گئی ، ذکاءاشرف ملاقات کے خواہشمند تھے لیکن میں نے کمنٹری کی مصروفیت کے باعث معذرت کرلی تھی ، انہوں نے کہا کہ ذکاءاشرف پی پی ایل کے حوالے سے حوالے سے بات چیت کرناچاہتے تھے، میں نے انہیں صرف یہ کہا تھا کہ پی پی ایل ایک اچھا آئیڈیا ہے جو کامیاب ہونا چاہئے۔ واضح رہے کہ پی سی بی حکام ذکاءاشرف اور سنیل گواسکر کے درمیان ملاقات اور انہیں دورہ پاکستان کی یقین دہانی کی خبریں چلواتے رہے جس پر سنیل گواسکر سیخ پا ہیں۔