بکھری بکھری کرکٹ ٹیم کی واپسی، آفریدی منہ چھپا کر روانہ، اسد کا بات سے انکار
کراچی (آئی اےن پی)ورلڈ ٹی ٹونٹی کی شکست خوردہ پاکستانی ٹیم ٹولیوں کی صورت میں وطن واپس پہنچ گئی۔ ایونٹ میں خراب کارکردگی کے باعث تنقید کی زد میں رہنے والے شاہد آفریدی نے اپنے ہونٹ سی لئے۔پاکستانی آل راﺅنڈر شاہد آفریدی مڈل آرڈر بیٹسمین اسد شفیق اور فاسٹ بولر محمد سمیع کے ہمراہ غیر ملکی پرواز سے وطن واپس پہنچے تو کراچی ایئرپورٹ پرمےڈےانے آل راونڈر کو دھر لیا۔پوچھا خراب پرفارمنس پر سوال لیکن آفریدی نے ایسا چپ کا روزہ رکھا کہ پھر لب نہ کھولے اور محض ہاتھ کے اشارے پر اکتفا کیا کہ وہ بات نہیں کرنا چاہتے۔ ماضی میں اسی کراچی ایئرپورٹ پر میڈیا کے ذریعے سب کی کلاس لینے والے شاہد آفریدی ورلڈ ٹی ٹونٹی میں خراب پرفارمنس کے باعث شدید تنقید کی وجہ سے چپ سادھے خاموشی سے آئے اور خاموشی سے ہی نکل گئے۔
