اسلام آباد (اے پی پی) بلوچستان یونائیٹڈ کلب نے اسلام آباد کو 2-0 گول سے شکست دے کر قومی ویمن فٹ بال چیمپئن شپ میں تیسری پوزیشن حاصل کر لی۔ پیر کو جناح سٹیڈیم میں کھیلے گئے تیسری پوزیشن کے میچ میں وقفہ تک دونوں ٹیمیں گول کرنے میں ناکام رہیں۔ دوسرے ہاف میں بلوچستان یونائیٹڈ کلب نے دو گول کرکے مقابلہ 2-0 گول سے جیت لیا۔ اسلام آباد کی ٹیم کوئی بھی گول نہ کر سکی۔ بلوچستان یونائیٹڈ کلب کی طرف سے عوج اور رفعت نے ایک، ایک گول کیا۔