اسلام آباد (ثناءنےوز) پاکستان اورفلسطین کی فٹبال ٹیموں کے درمیان فیفا فئیر پلے ڈے کے میچز منسوخ کر دیئے گئے ہیں۔ پاکستان فٹبال فیڈریشن کا کہنا ہے کہ گرا¶نڈز کی عدم دستیابی کی وجہ سے میچوں کا انعقاد ممکن نہیں ہو سکا۔ فلسطین کی فٹ بال ٹیم کو پاکستان کے خلاف 14 اور 16 اکتوبر کو میچز کھیلنے کے لئے12 اکتوبر کو لاہور پہنچنا تھا۔ پی ایف ایف کے سیکریٹری کرنل احمد یار لودھی نے کہا کہ میچز کے حوالے سے 5 اکتوبر تک پی ایف ایف کو تصدیق کرنا تھی لیکن گرا¶نڈ کی عدم دستیابی کی وجہ سے میچز منسوخ کرنے کے علاوہ کوئی چارہ نہیں تھا۔ اتنے کم وقت میں فلسطین کی ٹیم پاکستان آنے کے لئے رضامند نہیں تھی۔ اسپورٹس بورڈ پنجاب کے ترجمان کا کہنا ہے کہ پنجاب سٹیڈیم دینے کی تصدیق ہفتے کو کر دی گئی تھی۔ گرا¶نڈ دینے سے انکار نہیں کیا۔