لاہور (پ ر) پنجاب یونیورسٹی نے بی اے امتحان سالانہ 2012ءکے امتحانی نتائج میں گڑ بڑ کرنے کے شبے میں شعبہ امتحانات کے گیارہ ملازمین کو معطل کر دیا ہے اور پنجاب یونیورسٹی کالج آف سٹیٹیسٹکس اینڈ ایکچوریل سائنسز کے پرنسپل پروفیسر ڈاکٹر شاہد کمال کے زیرنگرانی ایک آزاد تحقیقاتی کمیشن قائم کر دیا ہے۔ ترجمان نے کہا ہے کہ اس سلسلے میں اگر کوئی ملوث پایا گیا تو ذمہ داروں کے خلاف سخت ایکشن لیا جائے گا اور کسی بھی ملزم سے کوئی رعایت نہیں کی جائے گی۔