لاہور (این این آئی) گلوکار عارف لوہار نے کہا ہے کہ میں نے اپنے والد کے فن کا دیا روشن کیا ہوا ہے او ر اس کی روشنی ہرسو پھیلا رہا ہوں ۔ انہوں نے کہا کہ میرے لئے بڑے ا عزاز کی بات ہے کہ میرے پرستاروں نے مجھے بھی اسی طرح محبت اور چاہت دی ہے جو میرے والد کے حصے میں آئی تھی ۔ میرے والد عالم لوہار کی گائیکی کا جو انداز تھا میں اس کو کاپی کرنے کی کوشش کرتا ہوں مگر ان کی جگہ نہیں لے سکتا ۔ میرا سب لوگوں کے لئے پیغام ہے کہ وہ والدین کا احترام کریں تاکہ کامیابیاں ان کے مقدر کا حصہ بنیں۔