انٹر سکولز، کالجیٹ مقابلے 10 اکتوبر سے لاہور میں ہونگے
لاہور (سپورٹس رپورٹر) پانچویں انٹر سکولز و کالجیٹ کھیلوں کے مقابلے 10 سے 14 نومبر تک لاہور میں منعقد ہونگے جس کے 26 ایونٹس میں بوائز اور گرلز کھلاڑی ایکشن میں نظر آئیں گے۔ اس بات کا فیصلہ گذشتہ روز پنجاب اولمپک ایسوسی ایشن کے صدر سید شاہد علی کی صدارت میں منعقد ہونے والے خصوصی اجلاس میں کیا گیا۔ اس موقع پر 200 سے زائد سکولز و کالجز کے نمائندے شریک ہوئے۔ اجلاس میں جن کھیلوں کی منظوری دی گئی ان میں اتھلیٹکس، بیڈمنٹن، بیس بال، باسکٹ بال، باڈی بلڈنگ، فٹبال، باکسنگ، سائیکلنگ، جمناسٹک، ہینڈ بال، ہاکی، جوجسٹو، کراٹے، نیٹ بال، رگبی، سکواش، ٹیبل ٹینس، ٹینس، والی بال، ویٹ لیفٹنگ اور ووشو شامل ہیں۔
