ہیتھرواٹسن اور میساکی ڈوئی جاپان ویمنز اوپن ٹینس کے سیمی فائنل میں پہنچ گئیں
اوساکا (اے پی پی) برطانوی ہیتھرواٹسن اور جاپان کی میساکی ڈوئی جاپان ویمنز اوپن ٹینس ٹورنامنٹ کے سیمی فائنل میں پہنچ گئیں جبکہ جنوبی افریقہ کی چانیلی سچیپر کوارٹر فائنل راﺅنڈ میں اپ سیٹ شکست کے بعد ایونٹ سے باہر ہوگئیں۔ اوساکا میں کھیلے گئے کوارٹر فائنل راﺅنڈ میں برطانوی ہیتھر واٹسن نے عمدہ کارکردگی کا مظاہرہ کرتے ہوئے فرانس کی پاﺅلین پارمینٹائرکو سٹریٹ سیٹس میں شکست دیکر سیمی فائنل کے لیے کوالیفائی کرلیا۔ جاپان کی میساکی ڈوئی نے جنوبی افریقہ سیونتھ سیڈ چانیلی سچیپر کو اپ سیٹ شکست دیکر ٹورنامنٹ سے باہر کردیا۔
