جوہانسبرگ (اے پی پی) آسٹریلیا کے شہرہ آفاق آل راﺅنڈر شین واٹسن نے کرس گیل کو ٹی ٹونٹی کرکٹ میں دنیا کا بہترین کھلاڑی قرار دیتے ہوئے کہا ہے کہ حالیہ ٹی ٹونٹی ورلڈ کپ میں ان کی کارکردگی سے بہت متاثر ہوا۔ ٹی ٹونٹی ورلڈ کپ میں مین آف دی میچ کا ایوارڈ حاصل کرنے کے بعد لوگوں سے اپنی تعریف سن کر خوشی ہوتی ہے لیکن ان کے نزدیک ٹی ٹونٹی کرکٹ میں کرس گیل کا کوئی متبادل نہیں، ان کی کارکردگی میں تسلسل ہے جو بہت کم بلے بازوں میں ہوتا ہے۔ میگا ایونٹ کے سیمی فائنل میں عمدہ کارکردگی کا مظاہرہ نہ کرنے پر ہمیشہ دکھ رہے گا تاہم اب ساری توجہ مستقبل پر مرکوز ہے۔