صدر زرداری آج آذربائیجان وزیراعظم کویت جائینگے
اسلام آباد (وقائع نگار خصوصی) صدر زرداری آج باکو کے دو روزہ دورہ پر روانہ ہونگے۔ جہاں وہ اقتصادی تعاون تنظیم کے بارہویں سربراہی اجلاس میں شرکت کرینگے ۔ اقتصادی تعاون تنظیم کا دو روزہ اجلاس کل منگل سے آذربائیجان کے دارالحکومت باکو میں منعقد ہوگا۔ علاوہ ازیں وزیراعظم راجہ پرویز اشرف ایشیائی تعاون کانفرنس میں شرکت کےلئے آج کویت جائینگے۔ دو روزہ ایشیائی تعاون مذاکراتی کانفرنس میں ایشیائی ممالک کے سربراہان شرکت کرینگے۔
