حافظ آباد (نمائندہ نوا ئے وقت) پنجاب یوتھ فیٹیول کے سلسلہ میں ہونے والے انٹر ڈویژنل کبڈی ٹورنامنٹ کے فائنل میں حافظ آباد نے گوجرانوالہ کو5پوائنٹس سے شکست دیکر ٹورنامنٹ جیت لیا۔ ٹورنامنٹ کا فائنل گوجرانوالہ میں کھیلا گیا۔ کمشنرگوجرانوالہ عبدالجبار شاہین فائنل میچ کے مہمان خصوصی تھے۔ حافظ آباد کے اعجاز وڑائچ اور فیاض ٹورنامنٹ کے بہترین کھلاڑی قرار دیا گیا۔ٹورنامنٹ کی فاتح ٹیم جب حافظ آباد پہنچی تو ڈسٹرکٹ سپورٹس آفیسر چوہدری ناصر، ٹی ایس او محمد ماجد، کبڈی ایسوسی ایشن کے عہدیداروں اور شہریوں نے انکا پرتہاک استقبال کیا۔ کھلاڑیون کو پھول کے ہار پہنائے اور ان پر گل پاشی بھی کی۔ یاد رہے کہ گزشتہ سال بھی پنجاب یوتھ سپورٹس فیسٹیول کے ڈویژنل مقابلوں میں بھی حافظ آباد نے پہلی پوزیشن حاصل کی تھی۔ ڈی سی او سہیل احمد خاں نے ٹورنامنٹ جیتنے پر ٹیم کو مبارکباد دی ہے۔