لاہور+ فیروزوالا (نمائندہ خصوصی+ نامہ نگار) ٹریفک حادثات میں 4 افراد جاں بحق ہو گئے۔ خاتون اور بچے سمیت 10 افراد شدید زخمی ہو گئے۔ تفصیلات کے مطابق کاہنہ کے نواحی گا¶ں کا رہائشی لیاقت سائیکل پر جا رہا تھا کہ فیروزپور روڈ پر گاڑی نے ٹکر مار دی جس کے نتیجہ میں وہ دم توڑ گیا۔ پولیس کے مطابق متوفی لیاقت 8 بچوں کا باپ تھا۔ شاہدرہ میں دو روز قبل نامعلوم گاڑی کی ٹکر سے زخمی ہونے والا 40 سالہ مشتاق دم توڑ گیا۔ متوفی 4 بچوں کا باپ اور مقامی رہائشی تھا۔ شادمان کے علاقے میں دو موٹر سائیکلوں میں تصادم کے دوران 6 سالہ عثمان اس کی والدہ، والد قیصر اور شہباز نامی شخص زخمی ہو گئے۔ شادباغ میں موٹر سائیکل رکشہ الٹنے سے صدیق، اویس، طارق اور واصف وغیرہ زخمی ہو گئے۔ فیصل ٹا¶ن میں موٹر سائیکل سوار شاہد اور الیاس نامعلوم گاڑی کی ٹکر لگنے سے موٹر سائیکل سے گر کر زخمی ہو گئے۔ کوٹ لکھپت کے علاقہ میں 24 سالہ نامعلوم نوجوان لاہور سے کراچی جانے والی ٹرین کی زد میں آ کر ہلاک ہو گیا۔ نعش مردہ خانے جمع کرا دی گئی۔ دریں اثناءپٹیالہ نہر کے قریب ڈالہ واہگہ کے رہائشی زمیندار محمد یونس کا نوجوان بیٹا الیاس موٹر سائیکل پر جاتے ہوئے ویگن کی ٹکر سے جاں بحق جبکہ اس کا دوست شدید زخمی ہو گیا۔ زخمیوں کو طبی امداد کیلئے ہسپتال داخل کرا دیا گیا۔