جوہانسبرگ (اے پی پی) چیمپئنز لیگ ٹی 20 میں آج (منگل کو) مزید دو میچ کھیلے جائیں گے۔ اس سلسلے میں پہلا میچ گروپ بی کی ٹیموں سڈنی سکسرز اور یارک شائر کے درمیان کھیلا جائے گا جو پاکستانی وقت کے مطابق ساڑھے چار بجے شروع ہوگا جبکہ دوسرے میچ میں چنائی سپر کنگز اور لائنز کی ٹیمیں آمنے سامنے ہوں گی اور یہ میچ رات ساڑھے آٹھ بجے شروع ہوگا۔ واضح رہے کہ چیمپئنز لیگ ٹی 20 کا پہلا سیمی فائنل میچ 25 اکتوبر کو ڈربن، دوسرا سیمی فائنل میچ 26 اکتوبر کو سنچورین میں جبکہ فائنل 28 اکتوبر کو جوہانسبرگ میں کھیلا جائیگا۔