لاہور (خبر نگار) پیپلز پارٹی لاہور میں تبدیلیوں کا آغاز ہو گیا اور صدر زرداری نے لاہور تنظیم کے دو ڈسٹرکٹ صدور کو تبدیل کر دیا ہے۔ نوٹیفکیشن کے مطابق ڈسٹرکٹ ٹو کے صدر افنان صادق بٹ کی جگہ آصف ناگرا اور ڈسٹرکٹ صدر تھری رانا اشعر نثار کی جگہ طارق میو کو صدر مقرر کیا گیا۔ علاوہ ازیں پیپلز یوتھ آرگنائزیشن پنجاب کے سابق صدر میاں محمد ایوب کو ڈپٹی سیکرٹری انفارمیشن پنجاب مقرر کر دیا گیا۔