لاہور (پ ر) مون لائٹ سکول علامہ اقبال ٹاﺅن لاہور میں گزشتہ روز ملالہ یوسف زئی اور اس کی معصوم ساتھی طالبات شازیہ اور کائنات کی صحتیابی کیلئے دعائیہ تقریب کا انعقاد کیا گیا۔ اس موقع پر مون لائٹ سکول کے چیئرمین ادیب جاودانی نے خطاب کرتے ہوئے کہا کہ ملالہ یوسف پر قاتلانہ حملہ پاکستان کے روشن مستقبل پر حملے کے مترادف ہے۔ انہوں نے کہا کہ پوری قوم ملالہ یوسف زئی کی جلد از جلد تندرستی اور صحت یابی کیلئے اللہ تعالیٰ کے حضور دعاگو ہے اور قومی یکجہتی کا اظہار کر رہی ہے جو اس بات کا ثبوت ہے کہ پاکستانی قوم انتہا پسندی اور دہشت گردی کے خلاف ہے اور پاکستان میں امن و امان کا قیام چاہتی ہے۔