لاہور (سپورٹس رپورٹر) پاکستان پریمیئر لیگ میں 105 میچ مکمل ہو گئے۔ گذشتہ روز پانچ میچوں کا فیصلہ ہوا۔ پہلا میچ واپڈا اور نیوی کی ٹیموں کے درمیان کھیلا گیا جو ایک ایک گول سے برابر رہا۔ پی ایم سی فٹبال کلب اور بلوچ فٹبال کلب کے درمیان میچ بغیر کسی گول کے برابر رہا۔ تیسرے میچ میں آرمی نے پی آئی اے کو دوصفر سے مات دی۔ چوتھے میچ میں کے آر ایل نے مسلم فٹبال کلب کے خلاف چار ایک سے کامیابی حاصل کی۔ پانچویں میچ میں افغان فٹبال کلب نے ووہیب فٹبال کلب کو ایک صفر سے مات دی۔