لاہور (سپورٹس رپورٹر) تیسرے نیشنل بنک بلائنڈ کرکٹ میں بہاولپور اور اسلا م آباد نے فائنل کیلئے کوالیفائی کر لیا۔پہلے سیمی فائنل میں بہاولپور نے آزادکشمیر کی ٹیم کو 9 وکٹوں سے مات دی۔ اس میچ میںآزادکشمیر کی ٹیم نے 3 وکٹوں کے نقصان پر 78 رنز بنائے، بہاولپور کی ٹیم نے ہدف ایک وکٹ کے نقصان پر پورا کر لیا۔ دوسرے سیمی فائنل میچ میں اوکاڑہ کی ٹیم نے ایک وکٹ کے نقصان پر 74 رنز بنائے، اسلام آباد ٹیم نے ہدف بغیر کسی نقصان پر پورا کر کے فائنل کے لئے کوالیفائی کر لیا۔ ٹورنامنٹ کا فائنل آج کھیلا جائیگا۔