لاہور (سپورٹس رپورٹر) پاکستان ہاکی فیڈریشن نے کراچی میں جاری جونیئر ہاکی ٹیم کے ممکنہ کھلاڑیوں کے تربیتی کیمپ کے لئے مزید پانچ کھلاڑیوں کے ناموں کا اعلان کر دیا ہے۔ ہاکی کلب آف پاکستان سٹیڈیم کراچی میں پہلے ہی ہیڈ کوچ رانا مجاہد کی زیرنگرانی 28 کھلاڑی تربیت حاصل کر رہے تھے۔ جن کھلاڑیوں کا اعلان کیا گیا ہے ان میں محمد مزمل بھٹی، محمد اسد بشیر، عثمان اسلم، ارسلان قادر اور عبدالجبار شامل ہیں۔