3 خودکشیاں، رشتے داروں سے جھگڑا، شادی شدہ خاتون نے خود کو گولی مار لی
لاہور+ حافظ آباد (نمائندہ خصوصی+ نمائندہ نوائے وقت) طالبہ سمیت 3 افراد نے زندگی کا خاتمہ کر لیا۔ تفصیلات کے مطابق ٹبی سٹی کے علاقہ فورٹ روڈ کی رہائشی حمیرا کا گزشتہ روز مبینہ طور پر اپنے رشتہ داروں کے ساتھ جھگڑا ہوا تھا جس پر اس نے دلبرداشتہ ہو کر کنپٹی پر گولی مار کر زندگی کا خاتمہ کر لیا۔ پولیس کے مطابق حالات مشکوک ہونے کے پیش نظر نعش کو پوسٹمارٹم کیلئے بھجوا دیا گیا ہے۔ طالبہ مہوش ناز نے ایف اے کے امتحان میں فیل ہونے پر نہر میں چھلانگ لگا کر خودکشی کر لی۔ حافظ آباد کے محلہ رحمت آباد کا 17 سالہ نوجوان گزشتہ کئی ہفتے سے پریشان چلا آ رہا تھا، گزشتہ روز اس نے پاکستان ایکسپریس کے آگے چھلانگ لگا دی جس سے ٹرین نے اس کے جسم کو دو حصوں میں تقسیم کر دیا۔
