لاہور (سپورٹس رپورٹر) انٹرنیشنل ہاکی فیڈریشن نے یکم دسمبر سے شروع ہونے والے چیمئنز ٹرافی ہاکی ٹورنامنٹ کے شیڈول کا اعلان کر دیا ہے۔ قومی ٹیم ٹورنامنٹ میں پہلا میچ یکم دسمبر کو ہالینڈ جبکہ دوسرے میچ میں 2 دسمبر کو بیلجیئم کے مد مقابل ہوگی۔ پاکستان ٹیم اپنا تیسرا اور آخری لیگ میچ 4 دسمبر کو آسٹریلیا کے خلاف کھیلے گی۔ ٹورنامنٹ میں آٹھ ٹیمیں شرکت کرینگے جنہیں دو گروپس میں تقسیم کیا گیا ہے۔ گروپ اے میں انگلینڈ، جرمنی، انڈیا اور نیوزی لینڈ جبکہ گروپ بی میں پاکستان، آسٹریلیا، ہالینڈ اور بیلجیئم شامل ہیں۔