ڈس ایبلڈ ون ڈے قومی کرکٹ چیمپئن شپ ، سیمی فائنل مقابلے آج ہوں گے
لاہور (اے پی پی) تیسری قومی ڈس ایبلڈ ون ڈے کرکٹ چیمپئن شپ کے سیمی فائنل مقابلے آج منگل کو ریس کورس گراﺅنڈ، لاہور میں کھیلے جائیں گے۔ پاکستان ڈس ایبلڈ کرکٹ ایسوسی ایشن کے زیر اہتمام ٹورنامنٹ کے لئے کراچی، لاہور، راولپنڈی/ اسلام آباد اور ملتان کی ڈس ایبلڈ ٹیموں نے فائنل فور میں جگہ حاصل کی ہے، ایونٹ کا پہلا سیمی فائنل دفاعی چیمپئن کراچی اور ملتان کے درمیان کھیلا جائے گا جبکہ دوسرے سیمی فائنل میں گزشتہ سال کی رنر اپ راولپنڈی/ اسلام آباد اور لاہور کی ٹیمیں نبرد آزما ہوں گی، ٹورنامنٹ کا فائنل 24 اکتوبر کو لاہور جم خانہ میں کھیلا جائے گا۔
