پشاور(اے پی پی ) گورنمنٹ گرلز مڈل سکول لاہوری گیٹ نے بیڈمینٹن ڈبل کے فائنل میں پہلی پوزیشن حاصل کی۔گرلز مڈل سکولوں کے درمیا ن ہونے والے بیڈمینٹن ڈبل کے فائنل میں گورنمنٹ گرلز مڈل سکول لاہوری گیٹ نے گورنمنٹ گرلز مڈل سکول شاہین مسلم ٹاون گلبہار نمبر 4کو ہرا کر پہلی پوزیشن حاصل کی ۔ تفصیلات کے مطابق ایلیمنٹری اینڈ سیکنڈری ایجوکیشن زنانہ پشاور کے زیر اہتمام کھیلوں کے سالانہ مقابلوں کے سلسلے میںگورنمنٹ گرلز مڈل سکولوں کے درمیان بیڈمینٹن ڈبل کے مقابلے پشاور میں شروع ہوئے۔ بیڈمینٹن ڈبل کا فائنل گورنمنٹ گرلز مڈل سکول لاہوری گیٹ کے زینب اور فریال اور گورنمنٹ گرلز مڈل سکول شاہین مسلم ٹاون گلبہار نمبر 4 کے نورین مقصود اور کلثوم کے درمیان کھیلا گیا۔ فائنل میچ میںگو رنمنٹ گرلز مڈل سکول لاہوری نے گورنمنٹ گرلز مڈل سکول شاہین مسلم ٹاون گلبہار نمبر 4 کو15-6 10-15,اور11-15 سے ہرا کر مقابلہ جیت لیا۔