ویلنگٹن (اے پی پی) نیوزی لینڈ کرکٹ ٹیم رواں ماہ کے آخر میں سری لنکا کا دورہ کرے گی جہاں وہ پانچ ون ڈے، دو ٹیسٹ اور ایک ٹی 20 میچ کھیلے گی۔ نیوزی لینڈ ٹیم دورہ کا آغاز 30 اکتوبر کو واحد ٹی 20 میچ سے کرے گی، دونوں ٹیموں کے درمیان پانچ ون ڈے میچوں کی سیریز کا پہلا میچ یکم نومبر کو پالے کیلی، دوسرا 4 نومبر کو آر پریماداسا سٹیڈیم، کولمبو، تیسرا 6 نومبر کو اسی سٹیڈیم میں چوتھا 10 نومبر کو ہمبنٹوٹا جبکہ پانچواں اور آخری میچ 12 نومبر کو اسی مقام پر کھیلا جائے گا۔ نیوزی لینڈ اور سری لنکا کے درمیان دو ٹیسٹ میچوں پر مشتمل سیریز کا پہلا ٹیسٹ 17 سے 21 نومبر تک گال جبکہ دوسرا ٹیسٹ میچ 25 سے 29 نومبر تک کولمبو میں کھیلا جائے گا۔