پہلی آئی ٹی سی قومی جونیئر ٹینس چیمپئن شپ دوسرے روز 62 میچوں کا فیصلہ
اسلام آباد (اے پی پی) پہلی آئی ٹی سی قومی جونیئر ٹینس چیمپئن شپ کے دوسرے روز 62 میچز اسلام آباد ٹینس کمپلیکس میںکھیلے گئے۔ گذشتہ روز کھیلے گئے بوائز انڈر18- سنگلز کے دوسرے راﺅنڈ میں احمد بابر نے حمزہ بن آصف کو، ایم مزمل نے سعاد ظفر کو، حسنین منظور نے جبران منظور کو، سید نوفل کلیم نے زید مجید کو، حسن فاروق نے شاکراللہ کو، ایم بلال نے ارحم عتیق کے واک اوور حاصل کیا۔ کاشان الحق نے شیر طارق کو، راجہ شاہد نے حیدر کو اور مدثر نے حسنین کو ہرا دیا۔ بوائز انڈر14- کے دوسرے راﺅنڈ میں ایم مزمل نے یوسف کو، برکت اللہ نے صاحبزادہ محمد علی کو، امن عتیق نے منیب ساجد کو، حسن فاروق نے شاکراللہ کو، حیدر نے عاقب عمر کو، عبدالرحمن نے ایم امین کوشکست دی۔
