لکسمبرگ (اے پی پی) امریکی ٹینس سٹار وینس ولیمز نے دو سال بعد ڈبلیو ٹی اے ٹورنامنٹ اپنے نام کر لیا۔ 32 سالہ ولیمز نے لکسمبرگ اوپن ٹینس ٹورنامنٹ کے فائنل میں مونیکا نکولیسکو کو شکست دی۔ تفصیلات کے مطابق لکسمبرگ میں کھیلے گئے ویمنز ایونٹ کے فائنل میں امریکہ کی وینس ولیمز نے رومانیہ کی مونیکا نکولیسکو کو سٹریٹ سیٹس میں شکست دی اور ٹائٹل اپنے نام کیا، ولیمز کی جیت کا سکور 6-2 اور 6-3 رہا، واضح رہے کہ یہ وینس ولیمز کا 44 واں سنگلز ٹائٹل ہے۔