تہران (اے پی پی) 9 ویں ایشین یوتھ بوائز والی بال چیمپئن شپ کل بدھ سے ایران میں شروع ہو گی۔ یکم نومبر تک جاری رہنے والی چیمپئن شپ میں ایشیا بھر سے 13 ٹیمیں شرکت کریں گی جنہیں چار گروپوں میں تقسیم کیا گیا ہے، گروپ اے میں میزبان ایران، سری لنکا، منگولیا اور کویت گروپ بی میں چین، تھائی لینڈ اور قزاقستان گروپ سی میں جنوبی کوریا، تائیوان اور آسٹریلیا جبکہ گروپ ڈی میں بھارت، جاپان اور ترکمانستان شامل ہیں، ٹورنامنٹ کا فائنل یکم نومبر کو کھیلا جائے گا۔