لاہور (اے پی پی) تیسرے عامر کیبلز ٹی ٹونٹی ویٹرن کرکٹ ٹورنامنٹ کا میچ گولڈن ایگلز اور گلبرگ جمخانہ کے درمیان شاہ فیصل کرکٹ گراﺅنڈ پر کھیلا گیا۔ گلبرگ جمخانہ نے پہلے بیٹنگ کرتے ہوئے مقررہ 20 اوورز میں 7 کھلاڑیوں کے نقصان پر 133 رنز بنائے۔ جواب میں گولڈن ایگلز نے 15.5 اوورز میں4 کھلاڑیوں کے نقصان پر مطلوبہ سکور پورا کرلیا۔ رانا سہیل منظور، ناصر حسین امپائر جبکہ مسعود احمد سکورر تھے۔ میچ کے اختتام پر مہمان خصوصی شفقت علی بٹ نے جمشید علی کو مین آف دی میچ کا انعام دیا جبکہ سی ای او گولڈن بناسپتی سلمان خان نے سجاد اکبر کو خصوصی کیش ایوارڈ دیا۔