لاہور (سپورٹس رپورٹر) سپر سکسز ٹورنامنٹ میں شرکت کے لئے پاکستانی ٹیم کامران اکمل کی قیادت میں آج ہانگ کانگ روانہ ہوگی۔ 27 اور 28 اکتوبر کو کھیلے جانے والے ٹورنامنٹ میں آٹھ ٹیمیں حصہ لے رہی ہیں جنہیں دو گروپس میں تقسیم کیا گیا۔ گروپ اے میں ہانگ کانگ، آسٹریلیا، جنوبی افریقہ اور انگلینڈ جبکہ گروپ بی میں پاکستان، سری لنکا، بھارت اور نیدر لینڈ کی ٹیمیں شامل ہیں۔ پاکستان کرکٹ بورڈ نے سات رکنی قومی سکواڈ کا اعلان کر رکھا ہے جس میں کامران اکمل کپتان، عمر اکمل، تنویر احمد، اویس ضیائ، حماد اعظم، جنید خان اور یاسر شاہ شامل ہیں۔ شفیق احمد پاکستان ٹیم کے مینجر کے فرائض انجام دینگے۔