شازیہ اور کائنات روبہ صحت ہیں، گھروں پر سخت پہرہ، کائنات کو 50 ہزار، شازیہ کو کچھ نہیں ملا
لاہور (خصوصی رپورٹ) ملالہ یوسفزئی پر حملے میں زخمی ہونیوالی شازیہ اور کائنات کی حالت اب کافی بہتر ہے۔ امت رپورٹ کے مطابق شازیہ کو لگنے والی گولی سے بازو کے بالائی حصے میں فریکچر کا آپریشن کامیاب رہا جبکہ کائنات کا زخم بھی تیزی کے ساتھ بھر رہا ہے۔ دونوں طالبات کے گھروں پر پولیس کا سخت پہرہ ہے۔ خیبر پی کے حکومت کی طرف سے کائنات کو 50 ہزار روپے دیئے گئے جبکہ شازیہ تاحال صوبائی حکومت کی امداد اور توجہ سے محروم ہے۔ صوبائی یا وفاقی سطح کی کوئی بھی اہم شخصیت اب تک اس کی تیمارداری کیلئے نہیں آئی۔
