کراچی (ثناءنیوز) سپریم کورٹ کراچی رجسٹری کے باہر آئی جی سندھ فیاض خان لغاری نے صحافیوں سے بات چیت کرتے ہوئے کہا کہ کراچی کے حالات دنیا کے دوسرے بڑے شہروں سے بہتر ہیں پھر بھی بہتری کی گنجائش موجود ہے۔ ہم نے عدالت میں رپورٹ پیش کی ہے جس میں کراچی کے نو گو ایریاز کو 4 حصوں میں تقسیم کیا گیا ہے جس پر عدالت نے حکم دیا کہ جو لوگ اپنی حفاظت کیلئے بیریئرز لگائیں انہیں چھوڑ دیں باقی تمام شہر سے نوگو ایریاز کا خاتمہ کرایا جائے۔ انہوں نے کہا کہ جنوری سے اب تک 19 سو افراد جاں بحق ہوئے جن میں 90 پولیس اہلکار شامل ہیں۔